Eron JCH-2026 oldidan Rossiya bilan o‘rtoqlik o‘yini o‘tkazmoqchi

Eron terma jamoasi 2026 yilgi jahon chempionatiga tayyorgarlik doirasida Rossiya terma jamoasi bilan o‘ynashni rejalashtirgan.

Uchrashuv 6 oktyabr kuni bo‘lib o‘tishi rejalashtirilgan. Bu haqda Eron futbol federasiyasi rahbari ma’lum qildi, deb xabar beradi RIA Novosti.

Bir kun avval Eron terma jamoasi muddatidan avval jahon chempionatiga to‘g‘ridan-to‘g‘ri yo‘llanmani qo‘lga kiritdi.

Jahon chempionati 2026 yilning yozida AQSH, Kanada va Meksikada bo‘lib o‘tadi.