Iyun oyida Isroil bilan urushda Rossiya Eronga katta yordam ko‘rsatdi, shundan so‘ng Moskva va Tehronning mudofaa sohasidagi hamkorligi kuchaydi. Bu haqda Britaniyaning The Economist jurnaliga bergan intervyusida Islom Respublikasi tashqi ishlar vaziri Abbos Arakchi ma’lum qildi.
"Rossiyaliklar 12 kunlik urushda bizga juda katta yordam berishdi va shundan so‘ng biz hamkorlikka avvalgidan ham faolroq kirishdik. Aynan shuning uchun men sizga aytamanki, biz [potensial mojaroga] oldingi urushga qaraganda ham ko‘proq tayyor bo‘ldik," - dedi Eron TIV rahbari.