BAA neft inshootlaridagi yong‘inlar "AQShning Hormuz bo‘g‘ozi orqali ba’zi kemalarning o‘tishini ta’minlash bo‘yicha ehtiyotsiz harakatining bevosita natijasidir".
Bu haqda Eronning NourNews axborot agentligi manbaga tayanib xabar berdi.
Ma’lumotlarga ko‘ra, Tehron ushbu inshootlarga hech qanday hujumlarni rejalashtirmagan va bu voqea AQSh harbiylarining Eron taqiqlagan Hormuz bo‘g‘ozi orqali kemalarning noqonuniy o‘tishi uchun sharoit yaratishga qaratilgan ehtiyosiz harakatining natijasidir.
Avvalroq BAA rasmiylari Fujayra amirligidagi neft majmuasiga dron hujumi natijasida katta yong‘in kelib chiqqani va uch nafar Hindiston fuqarosi jarohat olgani haqida xabar berishgan edi.
BAA Tashqi ishlar vazirligi "Eronning mamlakatdagi fuqarolik nishonlariga yangilangan hujumlarini" qoraladi va Abu-Dabining javob berish huquqini o‘zida saqlab qolishini ma’lum qildi.
Shu bilan birga, Tasnim Erondagi harbiy manbaga tayanib, agar Abu-Dabi hozirgi vaziyatda Tehronga qarshi biron bir "aqlsiz harakatlar" qilishga qaror qilsa, BAAning mintaqadagi manfaatlari Eron qurolli kuchlari uchun nishonga aylanishi mumkinligini ta’kidlamoqda.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
O‘zbekistonliklar may oyida 14 kun dam oladi
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
