Eron AQSh hujumlari qayta boshlansa, javob zarbalari berishini bildirdi

Eron tashqi ishlar vaziri Abbos Aroqchiy AQSh prezidenti Donald Trampning mojaroni “oxirigacha yetkazish” haqidagi tahdidlariga javob qaytardi. Bu haqda New York Post xabar berdi.

“Siz oxirgi marta ishni “oxirigacha yetkazmoqchi”bo‘lganingizda, Eron yanada kuchaydi. Yana omadingizni sinab ko‘rmoqchimisiz? Marhamat. Ammo ehtiyot bo‘ling, bizning ham hali tugallanmagan ishlarimiz bor”, — dedi Aroqchiy.

Uning aytishicha, AQSh Tehronning shartlarini, jumladan, neft sanksiyalari va dengiz blokadasini bekor qilish talabini qabul qilsa, Ho‘rmuz bo‘g‘ozi yaqin kunlarda to‘liq ochilishi mumkin.