Turkiya Prezidenti Rejep Tayyip Erdo‘g‘on Ozarbayjonning Xonkendi shahrida bo‘lib o‘tgan Iqtisodiy Hamkorlik Tashkiloti (OESR)ning 17-sammitida nutq so‘zlab, Isroil hukumati olib borayotgan tajovuzkor siyosatlar mintaqaviy tinchlik va barqarorlikka tahdid solayotganini ta’kidladi.
«Biz na Falastin ishidan voz kechamiz, na Netanyaxu hukumati mintaqa qonida g‘arq bo‘layotganini sukunat bilan kuzatamiz», — dedi Erdo‘g‘on.
Prezident o‘z nutqida Afg‘onistonda xavfsizlik, tinchlik va taraqqiyotni qo‘llab-quvvatlash zarurligini ham qayd etdi.
Shuningdek, u Qibrisning Shimoliy Turk Jumhuriyati bilan sport, madaniyat, iqtisod va turizm sohalarida hamkorlikni kengaytirishga chaqirdi.
Erdo‘g‘on Turkiyaning iqlim o‘zgarishiga qarshi kurashdagi sa’y-harakatlariga to‘xtalib, 2024–2030 yillarni qamrab olgan Milliy energiya samaradorligi harakat rejasi doirasida uglerod chiqindilarini 100 million tonnadan kamaytirishni maqsad qilganini ma’lum qildi.
«Nol chiqindilar» loyihasi tufayli atmosferaga taxminan 6 million tonna parnik gazlari chiqarilishi oldi olindi», — dedi Turkiya yetakchisi.
Ayollarning pensiya yoshi yana 6 oyga oshirildi
Eldor Shomurodovning yangi jamoasi ma’lum. U Italiyadan ketmoqda
Rossiyada kuchli zilzila sodir bo‘ldi
