Erdo‘g‘an Tramp bilan Ukrainadagi vaziyatni muhokama qildi

Turkiya prezidenti Rajab Toyyib Erdo‘g‘an Amerika yetakchisi Donald Tramp bilan telefon orqali suhbatda Ukrainadagi vaziyatni muhokama qildi, uning mojaroni hal qilish yondashuvini qo‘llab-quvvatlashini bildirdi, deb xabar berdi Turkiya rahbari idorasi.

"Turkiya prezidenti Rajab Toyyib Erdo‘g‘an Amerika Qo‘shma Shtatlari prezidenti Donald Tramp bilan telefon orqali muloqot qildi. Suhbat chog‘ida Turkiya va AQSh o‘rtasidagi ikki tomonlama munosabatlar, mintaqaviy va global masalalar muhokama qilindi. Prezident Erdo‘g‘an Turkiya Qo‘shma Shtatlar bilan ko‘plab sohalarda, xususan, mudofaa sanoatida hamkorlikni rivojlantirish uchun qadamlar tashlashda davom etishini aytdi. Prezident AQSh prezidenti Trampning urushlarni to‘xtatish bo‘yicha yondashuvini qo‘llab-quvvatlashini bildirdi va Eron bilan muzokaralar jarayoni hamda Rossiya-Ukraina urushini to‘xtatish bo‘yicha sa’y-harakatlarni yuqori baholadi," - deyiladi idora xabarida.