EI Rossiyaning muzlatilgan aktivlarini xavfliroq investisiyalarga yo‘naltirish rejasini ishlab chiqmoqda

Evropa Ittifoqi Rossiyaning muzlatilgan aktivlaridan ko‘proq daromad olish va shu orqali Ukrainaga yordamni oshirish maqsadida yangi mexanizm ishlab chiqmoqda, deb yozadi Politico. Yevrokomissiya bu mablag‘larni yuqori daromadli, lekin xavfliroq fondga o‘tkazish imkoniyatini ko‘rib chiqmoqda.

Bu jarayonda aktivlarning o‘zi konfiskasiya qilinmaydi, faqat daromadlari ishlatilishi rejalashtirilmoqda, bu esa xalqaro qonunchilikka ziddiyatlarni oldini oladi. Yangi fond aktivlarni Euroclear orqali markaziy bank yordamida emas, balki ko‘proq risk bilan sarmoyalashtirishi rejalashtirilmoqda.

Bunday yondashuv Vengriyaning Rossiyaga sanksiyalarni uzaytirishga qarshi chiqishini yengishda yordam beradi, chunki agar sanksiyalar uzaytirilmasa, Moskva qaytadan ushbu aktivlarga kirish imkoniga ega bo‘lishi mumkin.

Kritiklar esa, yangi investisiya sxemasida xatolik yuz bersa, zararni Yevropa soliq to‘lovchilari qoplashi mumkinligini ta’kidlashmoqda.

Yaqin kunlarda Yevropaning moliya vazirlari Lyuksemburgdagi yig‘ilishda bu taklifni muhokama qiladi, va qaror qabul qilishda yakdillik emas, oddiy ko‘pchilik ovoz talab qilinadi.

Kontekstda aytilishicha, Euroclear Bryusselda joylashgan va Rossiya aktivlarini saqlovchi eng yirik depozitariy hisoblanadi. Ushbu aktivlar 200 mlrd yevro atrofida bo‘lib, Rossiyaning Ukrainaga keng qamrovli bosqinidan so‘ng muzlatilgan. YEIning Ukrainaga bergan 50 mlrd yevro yordamining katta qismi allaqachon sarflangan.