Gripp va boshqa yuqumli kasalliklarga chalingan paytda majburan ovqatlanmaslik kerak, chunki och qolish hamda yog‘larning singishi, shuningdek, keton kislotalarining ishlab chiqarilishi sog‘ayish uchun zarurdir.
Bu haqda Yel universiteti (AQSh) Tibbiyot maktabi professori, Rossiya Fanlar akademiyasining xorijiy a’zosi Ruslan Medjitov ma’lum qildi.
Ma’lumki, gripp yoki boshqa yuqumli kasalliklar bilan og‘rigan odam ishtahasini yo‘qotadi, ko‘p uxlaydi va hech kim bilan gaplashish istamaydi.
"Biz ushbu jarayonlarning yallig‘lanish reaksiyalari natijalariga qanday ta’sir qilishini tekshirdik, xususan, xastalikka chalingan paytda ishtahaning yo‘qolishi rolini ham ko‘rib chiqdik", deydi Medjitov.
Uning so‘zlariga ko‘ra, mutaxassislar tajriba o‘tkazishgan va uning davomida sichqonlarni majburan ovqatlantirishgan. Ma’lum bo‘lishicha, buning natijasida jonivorlar nobud bo‘lishgan.
"Shu bois biz yuqumli kasallik paytida och qolish va ketogenik dasturni o‘tkir yallig‘lanish reaksiyasidan omon qolish uchun zarur deb topdik", deb tushuntirdi Medjitov.
Qayd etilishicha, infeksiyaga chalingan paytda organizm boshqa metabolik dasturga o‘tadi.
COLA ichganingizdan so‘ng bir soat ichida nimalar sodir bo‘ladi
“Ozib ketibsiz-a”: nima uchun ba’zida vazn yo‘qotish haqidagi maqtovlar haqoratomuz deb qabul qilinadi?
21-27 aprel kunlari bolalarni ommaviy emlash tadbirlari amalga oshiriladi
