Chempionlar ligasi. «Real» safarda Gresiya klubini qiyinchilik bilan mag‘lub etdi. Mbappe poker qayd etdi (VIDEO)

"Real" Chempionlar Ligasi umumiy bosqich 5-turidan o‘rin olgan bahsda "Olimpiakos"ni safarda mag‘lub etdi - 4:3.

Mehmonlar safida Kilian Mbappe poker qayd etdi. Dastlabki uchta golni fransuz yetti daqiqa ichida - 22-daqiqadan 29-daqiqagacha urdi. Vinisius Junior ikkita assistni amalga oshirdi. Mezbonlar safida Chikinyo, Mehdi Taremi va Ayub El-Kaabi bittadan gol urgan.

"Real" ochkolarini 12taga yetkazib, Chempionlar ligasi umumiy turnir jadvalida 5-o‘ringa ko‘tarilib oldi. Madridliklar navbatdagi o‘yinda 10 dekabr kuni "Manchester Siti"ni qabul qiladi.

"Olimpiakos" 2 ochko bilan 33-pog‘onada bormoqda. Gresiya klubi keyingi turda "Qayrat" mehmoni bo‘ladi.

ECHL. 5-tur

27 noyabr, 01:00

Olimpiakos - Real - 3:4

Gollar: Shikinyu, 8 (1:0). Mbappe, 22 (1:1). Mbappe, 24 (1:2). Mbappe, 29 (1:3). Taremi, 52 (2:3). Mbappe, 60 (2:4). El-Kaabi, 81 (3:4)

Olimpiakos P: Tzolakis, Pirola (Byankon, 62), Resos, Ortega, Rodiney (Koshtinya, 71), Dani Garsiya (Esse, 46), Muzakitis, Shikinyu (Taremi, 28), Podense (Strefessa, 71), Martinsh, El-Kaabi

Real: Lunin, Raul Asensio (Dias, 73), Karreras, Mendi, Aleksandr-Arnold, Tshuameni, Kamavinga (Sebalyos, 46), Valverde, Vinisius Junior (Garsiya, 90), Arda Gyuler (Bellingem, 61), Mbappe

Ogohlantirishlar: Ortega, 40 - Kamavinga, 23. Arda Gyuler, 56