Bu yilgi YTHlar 1 303 nafar o‘zbekistonlik hayotiga zomin bo‘ldi.

📍 1-noyabr kuni bo‘lib o‘tgan Oliy Majlis Senatining o‘n birinchi yalpi majlisida Senatning Mudofaa va xavfsizlik masalalari qo‘mitasi raisi Qutbiddin Burxonov 2025-yilning yanvar–sentyabr oylaridagi yo‘l harakati xavfsizligi holati yuzasidan ma’lumot berdi.

🔴 Rasmiy statistika (2025-yil 9 oyi bo‘yicha):
– Yo‘l-transport hodisalari soni — 5 895 ta (2024-yilga nisbatan 3,8% kam, ya’ni 232 taga qisqargan).
– Tan jarohati bilan bog‘liq hodisalar — 4 592 ta (−3,5%, ya’ni 167 taga kamaygan).
– O‘lim bilan bog‘liq holatlar — 1 303 ta (−4,8%, ya’ni 65 taga kamaygan).
– Piyodalar ishtirokidagi YTHlar — 2 689 ta (−5,8%, 166 taga kamaygan).

🔴 Tahlil va sabablari:
– Qutbiddin Burxonovning so‘zlariga ko‘ra, bu ijobiy natijalarga quyidagi omillar sabab bo‘lgan:
• Haydovchi va piyodalarning yo‘l harakati madaniyati oshgan;
• Haydovchilarni tayyorlash va qayta tayyorlash tizimi takomillashtirilgan;
• Yo‘l harakatini raqamlashtirish bo‘yicha yangi huquqiy asoslar yaratilgan.

🔴 Senat qo‘mitasining bahosi:
– Raqamlar yo‘l harakati xavfsizligida barqaror ijobiy tendensiya shakllanayotganini ko‘rsatmoqda.
– Shu bilan birga, Senat profilaktika, texnik nazorat va axborot-tarbiyaviy ishlarini yanada kuchaytirish zarurligini qayd etdi.