Braziliyalik mashhur sobiq futbolchi Ronaldu va Messi o‘rtasida tanlov qildi

O‘tmishda mashhur bo‘lgan braziliyalik futbolchi Kafu Lionel Messi va Krishtianu Ronaldu haqida fikr bildirdi.

"Messi to‘pni maydon markazida qabul qilib oladi, aql bovar qilmas driblinglar va kombinasiyalarni amalga oshiradi. Krishtianu esa kuchga tayanib, fenomenga aylanish uchun tinimsiz mehnat qiladi. Ikkalasi ham fantastik. Kimni tanlayman? Messini", — deya Kafuning so‘zlarini keltiradi Barca Worldwide.

Lionel Messi o‘tgan yili "Inter Mayami" bilan yangi shartnoma imzolagan bo‘lib, u 2028 yil oxirigacha amal qiladi. Krishtianu Ronaldu esa 2024 yilda "An-Nasr" bilan shartnoma tuzgan — kelishuv 2027 yil o‘rtalarigacha mo‘ljallangan.