Braziliyaning Praya Grande shahrida havo shari qulashi oqibatida kamida sakkiz kishi halok bo‘ldi, deb xabar berdi Santa-Katarina shtati gubernatori Jorjino Mello.
Shar savatida jami 21 kishi bo‘lgan. Ulardan 13 nafari, jumladan uchuvchi omon qolgan, bedarak yo‘qolganlar yo‘q, deb xabar berdi shtat hukumati matbuot xizmati.
Dastlabki ma’lumotlarga ko‘ra, yong‘in havo shari savatidagi yondirgich tufayli boshlangan. Hodisa sodir bo‘lgan vaqtda mintaqada havo ochiq edi.
Ma’lum qilinishicha, havo shari tibbiyot markazi yaqinida qulagan.
«Uchuvchining so‘zlariga ko‘ra, savat ichida yong‘in boshlangan, u apparatni favqulodda tushira boshlagan va shar yerga juda yaqin kelganda odamlarga sakrashni buyurgan», – dedi voqea joyiga yetib kelgan jurnalistlarga Praya-Grande polisiyasi zobiti Tiago Luis Lemos.
«Yo‘lovchilar sakrashni boshlagan, ammo ba’zilari bunga ulgurmagan. Alanga kuchayib, shar yana yuqoriga ko‘tarilib ketgan. Keyinroq u shokilasi yo‘qolgani sababli qulab tushgan», – deya qo‘shimcha qildi polisiya vakili.
Jabrlangan 13 kishi yaqin atrofdagi shifoxonalarga yetkazilgan.
«Biz motamdamiz, sodir bo‘lgan voqea – fojia, – dedi Gubernator Mello. – Nima uchun bunday bo‘lganini aniqlaymiz. Ammo hozir eng muhimi – odamlar va oilalarga yetib borish uchun qo‘limizdan kelganini qilish».
Braziliya prezidenti Luis Inasiu Lula da Silva X platformasida «qurbonlarning oilalari bilan birdamligi»ni bildirgan.
Praya Grande Santa-Katarina shtatining janubida joylashgan bo‘lib, mashhur sayyohlik maskani hisoblanadi. Shahar havoda sayohatga oid ko‘ngilochar mashg‘ulotlari bilan mashhur.
Icroil «Qizil to‘y» operasiyasi doirasida 12 daqiqa ichida Eronning harbiy rahbarlarini yo‘q qildi
Isroil mojarosiga aralashgan uchinchi davlat Eron tomonidan zudlik bilan jazolanadi
"Eron bu urushda yolg‘iz emas..."
