Bolalar sovuqdan o‘lib ketyapti

Al-Jazeera, Hani Mahmoud: Yaqinda men G‘azo shahri markazidagi "Bemorlar do‘stlari" tibbiyot muassasasiga tashrif buyurdim va vayron bo‘lgan infratuzilma hamda beqaror elektr ta’minoti tufayli bolalar azob-uqubatlarning asosiy qismini qanday boshdan kechirayotganini yaqqol ko‘rdim.

So‘nggi kunlarda G‘azo shahridan to‘qqiz nafar bemor kasalxona shifokorlari ta’riflaganidek, qattiq sovuq urishi yoki "sovuq jarohati" bilan kasalxonaga yotqizilgan.

Ulardan beshtasi halok bo‘ldi: uchtasi kelgan dastlabki soatlarda va ikkitasi bugun ertalab. G‘azo janubidagi Xon Yunus shahridagi Nosir kasalxonasida yana bir kishi vafot etdi.

Uchtasi sog‘ayib ketgan, ammo ular hali ham boshpana, issiqlik va zarur himoyani ta’minlash uchun munosib joyga muhtoj.

Shifokorlar bu chaqaloqlar shifoxonaga hech qanday kasallik bilan og‘rimay kelganini tasdiqlashdi.

Ular shunchaki tug‘ilgan, oilasi esa ularni isitishning iloji yo‘q edi - hududda sovuq ob-havo boshlanganidan beri so‘nggi bir necha kundan buyon ahvol shunday.

Buning ustiga, G‘azo sektoridagi tibbiyot muassasalariga yetkazib berilayotgan yoqilg‘i tanqisligi sababli, shifoxonadagi elektr ta’minoti istalgan paytda to‘xtab qolishi mumkin.