Serbiya prezidenti Aleksandr Vuchichning aytishicha , Belgrad adashib, Ukraina bo‘yicha BMT rezolyusiyasini qo‘llab-quvvatlagan va fuqarolardan kechirim so‘ragan.
“Menimcha, bugun Serbiya xato qildi. Fuqarolardan uzr so‘rayman va aybni o‘z bo‘ynimga olaman”, dedi Vuchich Happy TV telekanalida.
Uning tushuntirishicha, Serbiya Amerika rezolyusiyasi bo‘yicha ovoz berish paytida bo‘lgani kabi betaraf bo‘lishi kerak edi. “Biz Amerika rezolyusiyasiga to‘g‘ri ovoz berdik – betaraf qoldik. Yevropa rezolyusiyasiga nisbatan ham shunday qilish kerak edi”, — deya qo‘shimcha qildi prezident.
Vuchich Serbiya Rossiya yoki AQShga xayrixohlik ko‘rsatmasligi kerakligini, ammo betaraf qolish uning manfaatlariga mos kelishini ta’kidladi.
Birlashgan Millatlar Tashkiloti Bosh Assambleyasi Ukraina va Yevropa davlatlari taklif qilgan, adolatli tinchlik o‘rnatish, Rossiya qo‘shinlarini olib chiqish va harbiy harakatlarni to‘xtatishga chaqiruvchi rezolyusiyani qabul qildi. Hujjatni 93 davlat qo‘llab-quvvatladi, 18 davlat qarshi ovoz berdi, 65 davlat betaraf qoldi.
Rossiyaliklar rekord sur’atda o‘lmoqda
Dunyo aholisi eng ko‘p bo‘lgan mamlakatlardan biri: Rossiyadan ko‘p aholisi bor, ammo maydoni 115 marta kichik
AQSh Yevropaga uch hafta vaqt berdi
