BMTning ma’lum qilishicha, so‘nggi ikki kun ichida G‘azo sektorida 100 nafardan ortiq falastinlik ozuqa olishga harakat qilgan paytda halok bo‘lgan, yuzlab kishilar esa yaralangan. Ular Isroil tomonidan nazorat qilinadigan yordam tarqatish nuqtalarida ovqat topishga uringan paytda o‘qqa tutilgan.
Bu haqda BMT Bosh kotibi matbuot kotibi o‘rinbosari Farhan Haq Nyu-Yorkdagi kundalik matbuot anjumanida ma’lum qildi.
«Ozuqa olish uchun hech kim o‘z hayotini xavf ostiga qo‘ymasligi kerak. Fuqarolar qanday sharoitda bo‘lmasin, himoyalanishi shart», — dedi Haq.
Uning ta’kidlashicha, G‘azodagi gumanitar vaziyat keskin yomonlashgan, va aholi hayot uchun zarur oziq-ovqatga yetarlicha yeta olmayapti. BMT xalqaro hamjamiyatni favqulodda choralar ko‘rishga chaqirmoqda.
Po‘lat Bobojonov lavozimidan ozod etildi, Abdusalam Azizov yangi lavozimga tayinlandi
Telegram’da yangi funksiya paydo bo‘ldi (foto)
UFC jangchisi Shavkat Rahmonovning rafiqasi 10 yilga qamalishi mumkin
