Kristofer Nolanning «Qora risar» va «Qora risar: Legendaning qaytishi» filmlarida Kristian Beyl gavdalantirgan Betmen boshqargan futuristik motosikl Londondagi Propstore auksion uyi savdolariga qo‘yiladi.
Betpod Kristofer Nolan trilogiyasidagi eng mashhur transport vositalaridan biriga aylangan. Motosikl 750 kub santimetrli Honda dvigateli va ulkan 31 dyuymlik g‘ildiraklar bilan jihozlangan. Savdolarga, shuningdek, Beyl «Betmen: Ibtido» filmida kiygan qora Betmen kostyumi ham qo‘yiladi. U taxminan 300 ming yevroga baholanmoqda.
Boshqa lotlar qatorida Indiana Jonsning qamchisi, shlyapasi va ko‘ylagi ham bor. So‘nggi ikki buyum Xarrison Fordning o‘ziga emas, uning kaskadyori Vik Armstrongga tegishli bo‘lgan. Uchta buyum birgalikda 1,4 million yevrogacha baholanishi mumkin.
Betmen va Indiana Jons haqidagi filmlar rekvizitidan tashqari, auksionga metall tirnoqli Freddi Kryuger qo‘lqopi (narxi 30 ming yevrodan boshlanadi) va «Taxlar o‘yini» teleserialidagi Jon Snou qilich ham qo‘yiladi. Auksion Londonda 4-6 dekabr kunlari bo‘lib o‘tadi.
O‘zbekistonda keskin sovuq va kuchli yog‘ingarchilik kutilmoqda
Erkinjon Turdimov beshta rektorni ishdan bo‘shatdi
Aktrisa Nilufar Hamidova 7 sutkaga qamaldi
