Madridning "Real" klubi sobiq forvardi Karim Benzema klubga qaytishi haqida fikr bildirdi. 2023 yildan beri fransuz Saudiya Arabistonining "Al-Ittihod" klubi sharafini himoya qilmoqda.
"Agar Florentino Peres "Real"da bo‘lsa, bu sodir bo‘lishi mumkin. Men hech qachon Peresga rad javobini berolmasdim. Men madridistman. Men buni yurakdan his qilaman. Madrid hali ham mening shahrim. Ko‘ramiz, nima bo‘larkin," - deya Benzemaning so‘zlarini keltiradi Diario AS.
Joriy mavsumda 37 yoshli Benzema barcha musobaqalarda to‘qqizta o‘yinda maydonga tushib, beshta gol urdi. Hujumchining "Al-Ittihod" bilan amaldagi mehnat shartnomasi 2026 yilning yoziga qadar mo‘ljallangan.
Eslatib o‘tamiz, Benzema "Real" safida "Oltin to‘p"ni qo‘lga kiritgan edi.
U-17 JCH. Italiya - O‘zbekiston o‘yini boshlanish vaqti ma’lum bo‘ldi
Lionel Messi bilan bitta selfi narxi ma’lum bo‘ldi
Zinedin Zidan qayerda ish boshlashi ma’lum
