"Barselona" Xoland uchun "Viking loyihasi"ni tayyorladi

"Barselona" Erling Xolandni tarkibga qo‘shib olish imkoniyatini jiddiy ko‘rib chiqmoqda.

Indykaila News ma’lumotiga ko‘ra, kataloniyaliklar "Manchester Siti" hujumchisi uchun maxsus transfer rejasini ishlab chiqqan. Klub ichida ushbu tashabbus shartli ravishda "Viking loyihasi" deb atalmoqda.

Rejaga ko‘ra, "Barselona" Xoland uchun kelasi yozda harakat boshlashi mumkin. Dastlabki taklif miqdori taxminan 130 million funt sterling bo‘lishi kutilmoqda.

Norvegiyalik forvardning kelajagi "Manchester Siti" atrofidagi moliyaviy ish natijalariga ham bog‘liq bo‘lishi mumkin. Agar klubga jiddiy sanksiyalar qo‘llanilsa, Xoland jamoani tark etish variantini ko‘rib chiqishi ehtimoli aytilmoqda.

Shu sabab "Barselona" vaziyatni kuzatib bormoqda va imkoniyat paydo bo‘lsa, transfer muzokaralarini boshlashga tayyorlanmoqda.