"Barselona" va "Real" o‘rtasidagi farq 7 ochkoga yetdi (Turnir jadvali)

«Barselona» La Liga turnir jadvalida «Real Madrid» bilan oradagi farqni oshirdi.

Xansi Flik shogirdlari safarda «Atletiko»ni 2:1 hisobida mag‘lub etishdi. «Qaymoqranglilar» esa xuddi shunday hisobda safarda «Malyorka»ga imkoniyatni boy berishdi.

30 ta o‘yindan so‘ng «blaugrana» hisobida 76 ochko, madridliklarda esa 69 ochko mavjud.

Shuningdek, kuchli to‘rtlikdan «Vilyarreal» (29 o‘yindan so‘ng 58 ochko) va «Atletiko» (30 o‘yindan so‘ng 57 ochko) joy olgan.