«Barsa» «Man Siti» himoyachisi bo‘yicha aloqa o‘rnatdi

"Barselona" "Manchester Siti" himoyachisi Natan Ake transferiga qiziqish bildirmoqda. Bu haqda jurnalist Ekrem Konur xabar berdi.

Manbaga ko‘ra, Kataloniya klubi niderlandiyalik futbolchini yanvar oyida ijaraga olmoqchi, ammo "Manchester Siti" futbolchini to‘liq sotishni istamoqda. Shuningdek, Ake transferiga "Kristal Pelas", "Fulxem" va "Vest Xem" klublari ham qiziqish bildirmoqda.

Natan Ake "Manchester Siti"ga 2020 yilda "Chelsi"dan 45 mln yevro evaziga o‘tgandi. Uning shartnomasi 2027 yilning 30 iyuniga qadar imzolangan.