«Barsa» Ispaniya cuperkubogida tarixiy natija qayd etdi

Ispaniya cuperkubogi doirasidagi «Barselona» — «Atletik» bahsi (5:0)da tarixiy natija qayd etildi. Bu haqda Opta statistik portali xabar berdi.

Mazkur o‘yinda Hans-Diter Flik shogirdlari musobaqa tarixida ilk bor birinchi taymning o‘zida 4 ta gol urishga muvaffaq bo‘lgan jamoaga aylandi. Shu tariqa, «Barselona» Ispaniya superkubogi finaliga ishonch bilan yo‘l oldi.

Kataloniyaliklar hal qiluvchi o‘yinda «Atletiko» – «Real» juftligi g‘olibi bilan kuch sinashadi. Ikkinchi yarimfinal uchrashuvi bugun, 8 yanvar kuni bo‘lib o‘tadi.