«Барса» Испания cуперкубогида тарихий натижа қайд этди

Испания cуперкубоги доирасидаги «Барселона» — «Атлетик» баҳси (5:0)да тарихий натижа қайд этилди. Бу ҳақда Opta статистик портали хабар берди.

Мазкур ўйинда Ҳанс-Дитер Флик шогирдлари мусобақа тарихида илк бор биринчи таймнинг ўзида 4 та гол уришга муваффақ бўлган жамоага айланди. Шу тариқа, «Барселона» Испания суперкубоги финалига ишонч билан йўл олди.

Каталонияликлар ҳал қилувчи ўйинда «Атлетико» – «Реал» жуфтлиги ғолиби билан куч синашади. Иккинчи яримфинал учрашуви бугун, 8 январ куни бўлиб ўтади.