Isroil Bosh vaziri Benyamin Netanyaxu yaqin haftalarda Vashingtonga tashrif buyurishni va AQShning 47-prezidenti Donald Tramp inaugurasiyasidan keyin u bilan uchrashadigan birinchi xorijiy yetakchilardan biriga aylanishni rejalashtirmoqda.
Bu haqda Isroilning AQShdagi elchisi Maykl Gersog vakolat muddati tugashi munosabati bilan Walla portaliga bergan intervyusida ma’lum qildi.
"Yaqin haftalarda Bosh vazir Netanyaxu Oq uyga tashrif buyurishi kutilmoqda. Muhokamalar davom etmoqda, biroq yakuniy sana hozircha yo‘q", — deya portal Isroilning Vashingtondagi elchisining so‘zlaridan iqtibos keltiradi. Bundan tashqari, Tramp prezidentligining birinchi kunlarida sobiq prezident Jo Baydenning Isroilga qurol sotish, jumladan, bir tonnalik bombalar bo‘yicha cheklovlarini bekor qilishi kutilmoqda, deya ta’kidlaydi Walla. "Biz ishonamizki, Tramp o‘z muddatining boshida Isroilga Bayden ma’muriyati ruxsat etilmagan qurol sotishga ruxsat beradi", dedi Gersog Wallaga.
Bundan tashqari, Isroilning Vashingtondagi elchisiga ko‘ra, Tramp AQShning avvalgi ma’muriyati tomonidan G‘arbiy Sohildagi bir necha yahudiy ko‘chmanchilarga nisbatan joriy qilingan sanksiyalarni bekor qilishi va 2024 yil 21 noyabr kuni Netanyaxuni hibsga olishga order bergan Xalqaro jinoiy sudga qarshi chora ko‘rishi kutilmoqda.
"Ko‘rinmas" rus dronlari Ukraina artilleriyasini mazax qilmoqda
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
Rossiya Xitoydan tinchlikparvar kuchlarni qabul qilishga rozi
