Olimpiya o‘yinlari chempioni, mashhur bokschimiz Bahodir Jalolov bergan intervyularidan birida erkak kishining hayotidagi eng katta to‘siqlar va muvaffaqiyat omillari haqida o‘z fikrlarini bildirib o‘tdi.
Chempionning ta’kidlashicha, erkak kishining irodasini bukadigan asosiy jihatlar mavjud:
“Erkak kishini ikki narsa sindiradi — ayollar va ichkilik. Agar shu ikki omildan uzoq yursa, erkak hamma narsani yenga oladi, har qanday maqsadiga erishadi. Alloh ham uning yo‘lini ochadi”.
Jalolovning fikricha, inson o‘z nafsini jilovlay olsa va zararli odatlardan tiyilsa, uning ishlarida rivoj va baraka bo‘ladi.
Shuningdek, Bahodir Jalolov o‘z shaxsiy tajribasi va amal qiladigan tamoyillari bilan o‘rtoqlashdi:
“Men o‘zimni shu ikki narsadan uzoq tutganman. Eng muhimi — yulduzlik kasaliga chalinmaslik. Inson avvalo Allohdan shuni so‘rashi kerak. Qolganini Allohning o‘zi to‘g‘rilab, to‘g‘ri yo‘lga boshlaydi”.
Millioner! Husanov “Siti”da jami qancha maosh oladi?
Pep Gvardiola Yevropaning grand terma jamoasini qabul qilib olishi mumkin
O‘zbekiston taklifni qabul qilmagan mashhur murabbiy mundialga boshqa termani olib boradi
