Joriy yil 20 aprel kuni BAAning Dubay shahrida O‘zbekiston fuqarolaridan tashkil topgan ikki jinoiy guruh o‘rtasida to‘qnashuv sodir bo‘ldi. Bu haqda tarqalgan xabarlarda mojaro pichoqbozlik bilan yakunlangani, natijada guruhlardan birining yetakchisi voqea joyida halok bo‘lgani aytiladi.
Tashqi ishlar vazirligi matbuot kotibi Ahror Burhonovning ma’lum qilishicha, BAAda O‘zbekiston fuqarolari bilan bog‘liq holat yuzasidan diplomatlar Dubay jinoyat qidiruv boshqarmasi rahbariyati bilan uchrashuv o‘tkazgan.
"BAA tomoni mazkur holat bo‘yicha tergov harakatlari olib borilayotganini, 15 nafar O‘zbekiston fuqarosi qo‘lga olinganini ma’lum qildi. Shuningdek, so‘nggi vaqtlarda O‘zbekiston fuqarolari tomonidan sodir etilayotgan qonunbuzarlik holatlari ko‘payayotgani ikki davlat o‘rtasidagi vizasiz tartibga ta’sir ko‘rsatishi mumkinligi ta’kidlandi", deyiladi O‘zbekiston TIV bayonotida.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Istanbuldagi zilzilani bashorat qilgan turkiyalik olimning bayonoti e’lon qilindi
