"Barselona" "Real" bilan o‘yinda kambekka kambek bilan javob qaytardi va Ispaniya kubogi chempioniga aylandi (VIDEO)

"Barselona" Ispaniya kubogi finalida qo‘shimcha bo‘limlarda "Real"ni 3:2 hisobida mag‘lub etdi.

28-daqiqada Pedri hisobni ochdi. 70-daqiqada Kilian Mbappe hisobni tenglashtirgan bo‘lsa, oradan 7 daqiqa o‘tib Orelyen Tchuameni madridliklarni oldinga olib chiqdi. 84-daqiqada Ferran Torres hisobni 2:2 ko‘rinishiga keltirdi.

90+6-daqiqada uchrashuv hakami videotakrordan so‘ng madridliklar darvozasiga belgilangan penaltini bekor qildi, Rafinya simulyasiya uchun sariq kartochka oldi. G‘alaba golini 116-daqiqada Jyul Kunde kiritdi. 120+3-daqiqada zaxiraga olingan Antonio Ryudiger qizil kartochka oldi.