Eron tashqi ishlar vaziri Abbos Arakchi AQSh bilan yadro dasturi borasidagi inqirozni bartaraf etish bo‘yicha olib borilgan muzokaralar jarayonidan mamnun ekanligini bildirdi.
"Biz muzokaralar jarayonidan qoniqdik, ikkala tomon ham jiddiy yondashmoqda. Kelishuvga erishish masalasida men optimistman, ammo ehtiyotkorlik bilan", - dedi u.
Arakchining ta’kidlashicha, muloqot "jiddiyroq muhitda" o‘tgan, biroq ayrim kelishmovchiliklar ham yuzaga chiqqan. Shu bois tomonlar o‘z yurtlarida qo‘shimcha maslahatlashuvlar o‘tkazishlari lozim: "Muzokaralarning uchinchi bosqichi avvalgilariga nisbatan jiddiyroq kechdi, biz asta-sekin texnik tafsilotlarga chuqurroq kirib bormoqdamiz".
Uning so‘zlariga ko‘ra, MAGATE ekspertlari muloqotning keyingi bosqichiga jalb etilishi mumkin.
"Endi biz asta-sekin umumiy masalalardan tafsilotlarga o‘tmoqdamiz. Bugun bizda iqtisodiy masalalar bo‘yicha mutaxassislar ishtirok etdi. Keyingi uchrashuvda MAGATE ekspertlari ham bizga qo‘shiladi deb o‘ylayman", - dedi vazir.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Istanbuldagi zilzilani bashorat qilgan turkiyalik olimning bayonoti e’lon qilindi
