Xalqaro futbol federasiyasi (FIFA) ayollar o‘rtasidagi Chempionlar kubogi g‘olibiga aylanadigan klub futboli tarixidagi eng katta mukofot pulini olishini ma’lum qildi.
Musobaqalar Londonda o‘tkaziladi. Ilk yarim finalda AQShning «Gotem» klubi Braziliyaning «Korintians» jamoasiga qarshi maydonga tushadi. Ikkinchi yarim finalda esa Angliyaning «Arsenal» jamoasi Marokashning FAR klubi bilan bahs olib boradi.
Ikkala yarim final uchrashuvi 28 yanvar kuniga belgilangan. Final va uchinchi o‘rin uchun o‘yinlar esa 1 fevral kuni bo‘lib o‘tadi.
G‘olib jamoa rekord darajadagi — 2,3 million dollar mukofot puliga ega bo‘ladi. Finalchi 1 million dollar oladi. Yarim final ishtirokchilari kamida 200 ming dollar ishlab olishni kafolatlaydi. Ilgariroq musobaqani tark etgan Yangi Zelandiyaning «Oklend Yunayted» hamda Xitoyning «Uxan Chegu Szyanda» klublari esa 100 ming dollardan mukofot puliga sazovor bo‘ladi.
«Man Siti» Chempionlar ligasi o‘yini uchun qaydnomasini e’lon qildi
Yurgen Klopp "Real"ga javob qaytardi
"Jangdan so‘ng u Markaziy Osiyo haqida bunday bemaza gaplar gapirmaydi”
