Evropa boshpana masalalari agentligi (EUAA) xabar berishicha, Suriyada Bashar Asad rejimi qulashidan so‘ng, suriyaliklarning Yevropa Ittifoqidan boshpana so‘rash uchun bergan arizalari soni eng past darajaga tushdi, deb yozmoqda Le Figaro.
"Fevral oyida Yevropadan 5 ming suriyalik boshpana so‘radi. Bu o‘n yildan ortiq vaqt davomida kuzatilmagan tarixiy past ko‘rsatkichdir," deya nashr dushanba kuni agentlik ma’lumotlarini keltirmoqda.
EUAA ma’lumotlariga ko‘ra, 2024 yil dekabr oyida yangi hukumatning kelishi Yevropada boshpana bilan bog‘liq vaziyatda "sezilarli o‘zgarish"ga olib keldi: arizalar soni 2024 yil oktyabr oyiga nisbatan 70 foizga kamaydi.
Shu paytgacha suriyaliklar Yevropa Ittifoqining 27 davlatida ularga berilgan Yevropa Ittifoqi himoyasining asosiy manfaatdorlari edi.
"Boshpana berish bo‘yicha so‘nggi statistik ma’lumotlar Yevropa uchun boshqa hududlardagi barqarorlik qanchalik muhimligini ko‘rsatmoqda," deya yangi vaziyatga izoh berdi Yevropa komissiyasining ichki ishlar va migrasiya bo‘yicha a’zosi Magnus Brunner.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Qodirovning ahvoli juda og‘ir: u voris qidirmoqda
