Argentina terma jamoasi bosh murabbiyi Lionel Skaloni jamoa sardori va yetakchi hujumchisi Lionel Messining futbolchilik faoliyatini qachon yakunlashi mumkinligi haqidagi savolga javob berdi.
«U o‘zi xohlagan ekan, u eng yaxshilardan bo‘lib qolaveradi. Albatta, 50 yoshida emas, lekin istagi bor ekan, u baribir eng yaxshi bo‘ladi. Uning 23–24 yoshda, “Barselona”da o‘ynagan davrini tasavvur ham qila olmayman. Biz bu haqda tez-tez gaplashib turamiz. O‘ylaymanki, u maydonda qolishni istar ekan, doim eng yaxshilar safida bo‘ladi», — deya Skalonining so‘zlarini Mundo Deportivo nashri keltiradi.
Lionel Messi o‘z faoliyatida oltinchi bor jahon chempionatida ishtirok etmoqda. Joriy musobaqada u sakkizta gol bilan to‘purarlar poygasida ikkinchi o‘rinni egallab turibdi, u qo‘shimcha ko‘rsatkichlar bo‘yicha Fransiya terma jamoasi hujumchisi Kilian Mbappega yo‘l berayapti. Shu bilan birga, Messi jahon chempionatlarida urilgan gollar soni bo‘yicha ham yangi rekord o‘rnatdi — uning hisobida endilikda 21 ta gol bor.
Chorak finalda Argentina Shveysariyaga qarshi maydonga tushadi. Uchrashuv 12 iyul kuni bo‘lib o‘tadi, o‘yin boshlanish vaqti — Toshkent vaqti bilan soat 06:00.
"100 million dollar evaziga hatto o‘z otamning ham yuziga uraman"
Shavkat Rahmonov endi oktagonga umuman qaytmaydi
Hakamlikdagi shov-shuvdan keyin «Paxtakor» homiysi klubdan ketishi mumkin
