«Ruslar bizni kichik uka deb hisoblashdi, ammo hayot isbotladi: biz ularga begonamiz», — Zelenskiy

«Ularga xarakterimizning barcha xususiyatlari — ukrainlarni ukrain qiladigan barcha narsa begona. Yuz minglab ko‘ngillilar o‘z ona yurtini himoya qilish uchun otlanganida bu qanday bo‘lishini ular bilmaydi».

Uning ta’kidlashicha, Rossiya rahbariyati «hanuz eski Ukrainaga — jim turadigan, hamma narsani yutib yuboradigan, bardosh beradigan Ukrainaga qaraydi», ammo «bunday Ukraina endi yo‘q». «Davlatimiz allaqachon boshqacha. Kuzatuvchi emas, o‘yinchi. Qurbon emas, jangchi. Biz ularga tashabbusni qo‘lga olishga, Yevropani va butun dunyoni Donbassni shunchaki berish kerak, shunda hammasi tezda tugaydi, deb aldashga yo‘l qo‘ymaymiz. Hech qanday illyuziya yo‘q. Ularga ishonch yo‘q. Kremlga yarim million askarni tejab berish niyatimiz yo‘q. Rossiya Donesk viloyatini tez orada va albatta to‘liq egallashini aytib, muddatlarni doim orqaga surmoqda. Bundan keyin ham shunday qiladi. Ukraina boshqacha va o‘zinikini hech kimga sovg‘a qilmaydi».