Arab davlatlari AQShning rejasi bo‘yicha G‘azoni qisman qayta qurish rejasini rad etdi

Arab davlatlari AQShning G‘azo sektorini tanlab rekonstruksiya qilish to‘g‘risidagi taklifini Isroil nazoratidagi hududlarni qayta tiklash imkoniyatlari muhokama qilinayotgan bir paytda qo‘llab-quvvatlamayapti.

Bu haqda Financial Times (FT) manbalarga tayanib xabar berdi.

"Agar Vashington bu masala bo‘yicha Isroil pozisiyasini qo‘llab-quvvatlashda davom etsa, falastinliklar, misrliklar va boshqa ko‘plab odamlar, qatarliklar, turklar va AQSh o‘rtasida Isroilga qarshi to‘qnashuv kutilmoqda, bu esa mutlaqo g‘azabnok bo‘ladi”, — deya arab diplomatining so‘zlarini keltiradi gazeta.

Qayd etilishicha, arab davlatlari G‘azo sektorini qisman rekonstruksiya qilish uchun mablag‘ ajratish niyatida emas va Isroil armiyasi nazorati ostidagi hududlar uchun insonparvarlik yordamiga e’tibor qaratishi mumkin.

"Biz falastinliklar uchun emas, Isroil uchun qurayotganga o‘xshaymiz", dedi boshqa bir arab diplomati.