Qo‘shma Shtatlarning Missuri shtati polisiyasi xususiy samolyotda bo‘lgan 12 kishi halok bo‘lganini xabar qildi. Yo‘lovchilar 11 nafar parashyutchidan iborat bo‘lgan.
Samolyot parvoz qilgandan so‘ng nosozlik yuzaga kelgan.
Missuri yo‘l polisiyasi ma’lumotlariga ko‘ra, Pacific Aerospace P750 yengil motorli samolyoti parvozdan ko‘p o‘tmay Kanzas-Sitidan janubda joylashgan Batler aeroporti yaqinida qulab tushgan. Samolyot parashyut sporti va aero-akrobatika tashkil qiluvchi kompaniya tomonidan ijaraga olingani aytilmoqda.
AQSh Federal aviasiya xizmatining aniqlik kiritishicha, bunday turdagi parvozlar uchun aviadispetcherlar bilan aloqa o‘rnatish talab etilmaydi. Shuningdek, halokatga nima sabab bo‘lgani hozircha noma’lum. Qutqaruv xizmatlari samolyotdan sakrab qolishga ulgurgan parashyutchilarni topish umidida halokat joyi atrofini ko‘zdan kechirdi, biroq omon qolganlarni topa olmadi, deyiladi bayonotda.
O‘zbekiston — Kolumbiya o‘yini uchun chiptalar sotuvi rekord darajaga chiqdi
AQShda ham to‘y qilayotganlar aqldan ozmoqda
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
