AQShda birinchi sanoat miqyosidagi dengiz shamol elektr stansiyasi ish boshladi. U Nyu-York shtati qirg‘oqlarida joylashgan bo‘lib, South Fork Wind deb ataladi.
Shamol elektr stansiyasi Daniyaning Orsted va Amerikaning Eversource Energy kompaniyalari tomonidan qurilgan bo‘lib, Germaniyaning Siemens Gamesa kompaniyasining umumiy quvvati 132 MVt bo‘lgan 12 ta shamol generatoriga ega. Bu 70 mingdan ortiq oilani elektr energiyasi bilan ta’minlash uchun yetarli.
Gubernator Keti Xokul stansiya 35 milya (56 kilometr) uzoqlikdagi Long-Aylend elektr tarmog‘i uchun toza energiya ishlab chiqarishni boshlaganini aytdi.
Qayd etilishicha, Orsted va Eversource bahorda Revolution Wind shamol xiyobonida ish boshlaydi – Rod-Aylend va Konnektikut elektr tarmoqlari uchun sanoat miqyosidagi birinchi dengiz shamol elektr stansiyasiga aylanadi. U kelgusi yilda ochilishi rejalashtirilgan bo‘lib, South Fork Winddan besh baravar kuchliroq bo‘ladi, deb xabar beradi korrespondent.net.
