"Venesuela qirg‘oqlari yaqinidagi xalqaro suvlarda neft tashuvchi kema ushlandi. Ushbu amaliyotga AQSh Sohilni qo‘riqlash xizmati boshchilik qildi. Kemaning nomi, bayrog‘i va egasi rasman oshkor etilmagan", deya xabar bermoqda yozmoqda agentlik.
Tankerning qo‘lga olinishi AQSh prezidenti Donald Tramp Venesuelaga borayotgan va undan chiqayotgan sanksiyalar ostidagi barcha neft tankerlariga nisbatan “to‘liq va mutlaq qamal” e’lon qilganidan bir necha kun o‘tib sodir bo‘ldi. Bu so‘nggi haftalarda AQSh tomonidan Venesuela sohillari yaqinida tankerning ushlab qolinishi bilan bog‘liq ikkinchi holat bo‘lib, mintaqada AQSh harbiy ishtirokining kuchayishi fonida yuz bermoqda.
Reuters ma’lumotlariga ko‘ra, birinchi kema qo‘lga olinganidan so‘ng Venesuela suvlarida amalda embargo o‘rnatilgan: millionlab barrel neft ortilgan kemalar ushlab qolinishdan qo‘rqib, mamlakat qirg‘oqlari yaqinida qolib ketmoqda. O‘shandan beri Venesuela xom nefti eksporti keskin kamaygan.
Tahlilchilarning ogohlantirishicha, agar blokada saqlanib qolsa, bozor kuniga 1 million barrelgacha neftni yo‘qotishi mumkin, bu esa dunyo bizorida narxlarining oshishiga olib kelishi ehtimoli bor.
Aholiga hech qanday shartlarsiz har 3 oyda 200 dollardan beriladi
Turkiya Rossiyadan sotib olingan S-400 zenit-raketa majmualarini qaytarmoqchi
Rossiya darhol harbiy harakatlarni to‘xtatishga tayyor,
