AQSh va Suriya Istanbulda uchrashdi — sanksiyalar va barqarorlik muhokamada

AQShning Suriya bo‘yicha maxsus vakili Tom Barrak Istanbulda Suriya prezidenti Ahmad ash-Shara bilan uchrashuv o‘tkazdi.

Barrak sanksiyalarni bekor qilish to‘g‘risidagi qaror ISHIDga qarshi kurashni kuchaytirish va o‘n yillik mojarolardan so‘ng Suriya xalqini qo‘llab-quvvatlashga yordam berishini ta’kidladi

"Biz AQShning suriyaliklarga o‘z mamlakatlarini qayta qurishda yordam berishga bo‘lgan sodiqligini tasdiqladik," dedi u

Barrak ash-Shara va Suriya Tashqi ishlar vaziri Asad ash-Shiboniy bilan birgalikda prezident Trampning Suriyani barpo etish bo‘yicha rejasini amalga oshirish yo‘llarini muhokama qildi.