AQSh va Eron urushdan oldingi holatga qaytish bo‘yicha kelishuv imzolashi mumkin

CNN telekanalining xabar berishicha, AQSh va Eron o‘rtasidagi muzokaralar hozirda parda ortida qizg‘in davom etmoqda. Kelishuvning birinchi bosqichi urushdan oldingi holatga qaytish va Ho‘rmuz bo‘g‘ozini hech qanday cheklovlarsiz hamda bojlarsiz qayta ochishga qaratiladi.

Manbalarga ko‘ra, ushbu bosqichma-bosqich jarayonda Tehroning yadroviy dasturi masalasi hozircha chetga surilib, u keyinroq ko‘rib chiqilishi kutilmoqda. Ayni damda asosiy e’tibor mintaqadagi keskinlikni kamaytirish va strategik suv yo‘llarida erkin harakatlanishni tiklashga qaratilgan.