Rossiya terma jamoasi yarim himoyachisi Aleksandr Golovin jarohat sabab O‘zbekiston va Venesuelaga qarshi o‘rtoqlik uchrashuvlarini o‘tkazib yuboradi.
TASS ma’lumotiga ko‘ra, 30 yoshli futbolchining o‘ng oyoq boldir mushagi jarohatlangan.
Golovin 8 noyabr kuni Fransiya chempionatida «Monako»ning «Le-Man»ga qarshi o‘yinida (1:1) jarohat olib, ikkinchi bo‘lim boshida almashtirilgandi.
Yarim himoyachi joriy mavsum «Monako» safida 13 ta o‘yinda bitta gol va 3 ta golli uzatma qayd etgan.
Rossiya terma jamoasi 12 noyabr kuni Toshkentda O‘zbekiston, 17 noyabrda esa Krasnodarda Venesuelaga qarshi maydonga tushadi.
Portugaliya aviakompaniyasi Ronaldu sharafiga samolyotdagi 7C o‘rindig‘idan voz kechdi
Portugaliya prezidenti Ronalduning terma jamoa bilan xayrlashuviga munosabat bildirdi
Brunu Fernandesh Ronalduning terma jamoa bilan xayrlashuviga ta’sirli munosabat bildirdi
