AQSh va Janubi-Sharqiy Osiyo mamlakatlari assosiasiyasi davlatlari harbiy-dengiz kuchlarining hamkorlikdagi ilk mashg‘ulotlari 2-6 sentyabr kunlari Tailandning Sattaxip portidan Vyetnamning Kamau provinsiyasi sohiligacha bo‘lgan hududda bo‘lib o‘tadi. Bu haqda Tailand harbiy-dengiz kuchlari qo‘mondonligi bayonotida ma’lum qilindi.
Mashg‘ulotlarda 8ta suvusti kemasi va dengiz aviasiyasining 2ta samolyoti qatnashadi, deyiladi bayonotda.
Ma’lum qilinishicha, mashg‘ulotlar vaqtida turli davlatlar dengizchilarining dengiz xavfsizligini ta’minlash bo‘yicha operasiya o‘tkazishdagi hamkorligi mashq qilinadi.
AQSh va ASEAN davlatlarining hamkorlikdagi harbiy mashg‘ulotlariga Tailand kontr-admirali Sompxong Naktxong va AQSh Yettinchi flotining esmineslar eskadrasi komandiri kapitan Mett Jerbi rahbarlik qiladi.
Manba: kun. uz
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
