AQSh prezidenti janubiy afrikalik oq tanli qochoqlarni qabul qilish kvotasini oshirmoqchi

AQSh prezidenti janubiy afrikalik oq tanli qochoqlarni qabul qilish kvotasini oshirmoqchi.

​Donald Tramp ma’muriyati Janubiy Afrikadan kelayotgan oq tanli qochoqlarni qabul qilish uchun yillik limitni 7 500 nafardan 10 000 nafargacha oshirishni muhokama qilmoqda. Tramp 2025 yil boshida qochoqlarni qabul qilish bo‘yicha umumiy dasturlarni to‘xtatgan edi, biroq ko‘p o‘tmay aynan yevropalik qochoqlarga ustuvorlik beruvchi farmon imzoladi.

Oq uy ushbu etnik guruh Janubiy Afrika Respublikasida irqiy ta’qiblarga uchramoqda deb hisoblaydi, garchi mahalliy hukumat bu ayblovlarni qat’iyan inkor etsa-da. ​Hozirda 2026 moliya yili uchun belgilangan 7 500 kishilik rekord darajadagi past kvota deyarli to‘liq janubiy afrikalik oq tanlilarga yo‘naltirilgan.

Davlat departamenti ma’lumotlariga ko‘ra, yilning birinchi yarmida AQSh 4 500 nafar qochoqlarni qabul qilib bo‘lgan, ayni paytda boshqa guruhlardan faqat uch nafar afg‘onistonlikka ruxsat berilgan. Bu ko‘rsatkichlar Jo Bayden davridagi 125 000 kishilik yillik kvotadan keskin farq qilib, Tramp ma’muriyati insonparvarlik dasturini asosan bir etnik guruhga moslashtirganini ko‘rsatmoqda.