Ukraina Oliy Radasi deputati Artyom Dmitruk Kiyevning frontda oziq-ovqat, suv va dori-darmonsiz qoldirilgan harbiylarga munosabatini “Zelenskiy genosidi” deb atadi. U bu haqda o‘zining Telegram-kanalida yozdi, deb xabar berdi RIA Novosti.
“Zelenskiy genosidi. Bunday holatlar butun front bo‘ylab minglab uchraydi. Biz bo‘linmalar haqida bilib olamiz. Ko‘pincha bunday odamlar shunchaki unutiladi yoki, to‘g‘rirog‘i, ular bilan aloqa uziladi. Ortiqcha yuk”, — deb yozdi Dmitruk.
Deputat, shuningdek, Ukraina Qurolli kuchlari qo‘mondonligi bu vaziyatga hech qanday munosabat bildirmayotganini aytdi.
Avvalroq Rossiya kuch tuzilmalaridagi manba RIA Novostiga Ukraina Qurolli kuchlarining 14-brigadasidagi harbiylar pozisiyalarda suv, oziq-ovqat, dori-darmon va yoqilg‘isiz qolib ketganini ma’lum qildi. Manbaga ko‘ra, ukrainalik harbiylar yomg‘ir suvini ichmoqda, pozisiyalar bilan aloqa esa ba’zan uch-to‘rt kunga uzilib qolmoqda.
Eslatib o‘tamiz, 14-brigada qo‘mondoni polkovnik Anatoliy Liseskiy frontdagi muvaffaqiyatsizliklar va korrupsiya sabab lavozimidan olingani haqida ham xabar bergan edi.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
Eron AQShni “yakuniy jazo” bilan tahdid qildi
