AQSh muzokarachilari ketishi bilan Rossiya Kiyevga hujum boshladi

Kiyevga ballistik raketalar bilan zarba berildi. Ayni paytda Ukraina ham Saratov shahriga dron hujumi uyushtirgan.

8 sentyabr kuni erta tongda, AQSh muzokarachilari jo‘nab ketganidan ko‘p o‘tmay, Rossiya Ukraina poytaxti Kiyevga havo hujumlarini qayta boshladi. Bu haqda Reuters yozdi.

Shahar meri Vitaliy Klichkoning ma’lum qilishicha, shaharga ballistik raketalar bilan hujum qilingan va olti kishi jarohatlangan.

“Odamlar turar joy binosida qolib ketgan, Kiyevning turli joylarida yong‘inlar chiqqan”, — deb yozdi Klichko Telegram’da.

Kiyev harbiy ma’muriyatiga ko‘ra, qulagan vayronalar oqibatida besh qavatli turar joy binosi va uch qavatli uy shikastlangan hamda odamlardan boshpana izlash so‘ralgan.

Kiyevda portlashlar eshitilayotgan bir paytda, qo‘shni Polsha havo hududining buzilishi xavfidan himoyalanish uchun harbiy aviasiya amaliyotlarini boshladi.