AQSh Kongressining Vakillar palatasi Rossiyaga nisbatan sanksiyalar bosimini kuchaytiruvchi va Ukrainani qo‘llab-quvvatlashni kengaytiruvchi qonun loyihasini ovozga qo‘yish bo‘yicha prosessual qarorni qo‘llab-quvvatladi.
Uchrashuv AQSh parlamenti quyi palatasining rasmiy saytida translyasiya qilindi.
Bu qarorga 218 kongressmen ovoz berdi, 204 nafari esa qarshi chiqdi. Tasdiqlash uchun roppa-rosa 218 ovoz kerak edi. Bu natija tufayli qonunchilar Vakillar palatasi spikeri Mayk Jonsonni (Luiziana shtatidan respublikachi) va tegishli qo‘mitalar rahbariyatini chetlab o‘tib, qonun loyihasini ovozga qo‘yishga muvaffaq bo‘ldi.
Kongress quyi palatasi Tashqi ishlar qo‘mitasining yetakchi demokrati, ushbu hujjatning asosiy ishlab chiquvchilaridan biri bo‘lgan Gregori Miks (Nyu-Yorkdan) shu hafta qonun loyihasi bo‘yicha ovoz berishni o‘tkazish niyatida ekanligini ma’lum qildi.
Hujjatda Amerikaning Rossiyaga qarshi amaldagi sanksiyalarini kuchaytirish, shuningdek, ularning uzoq muddat saqlanishini ta’minlashga qaratilgan chora-tadbirlar majmui mavjud. Bundan tashqari, qonun loyihasida AQShning Ukraina va boshqa bir qator davlatlarga harbiy yordam ko‘rsatishi to‘g‘risidagi qoidalar mavjud.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
