AQSh Yevropa davlatlariga Rossiya aktivlarining bir qismini Vashington nazoratiga o‘tkazishni taklif qildi

Financial Times nashri manbalarga tayanib xabar berishicha, AQSh Yevropa davlatlariga Rossiyaning muzlatilgan aktivlarining bir qismini muzdan chiqarib, Vashington boshqaradigan tuzilmaga o‘tkazishni taklif qilgan.

Nashr malumotiga ko‘ra, bu taklifni AQSh prezidentining maxsus vakillari Stiv Uitkoff va Jared Kushner Mayamidagi uchrashuvda bildirgan. Unda Ukraina, Fransiya, Germaniya, Buyuk Britaniya, Yevropa Ittifoqi va NATO vakillari ishtirok etgan.

Rossiya aktivlarini AQSh nazoratiga o‘tkazish masalasi keng qamrovli tinchlik kelishuvining bir qismi sifatida muhokama qilingan. Biroq Yevropa diplomatlari bu taklifni rad etgan.