AQSh Eronga yordam berayotganlarni dollar tizimidan chiqarish bilan tahdid qildi

AQSh moliya vaziri Skott Bessent Eron va uning hukumatini qo‘llab-quvvatlayotgan mamlakatlarga qarshi qaratilgan «misli ko‘rilmagan» «Iqtisodiy quvg‘indi» operasiyasi boshlanganini e’lon qildi. Bessentning so‘zlariga ko‘ra, Vashington Eronning qolgan dunyo bilan moliyaviy aloqalarini uzish va, xususan, Islom inqilobi muhofizlari korpusini moliyalashtirayotgan daromad manbalarini to‘sib qo‘yish niyatida. AQSh Tehronga pullarni yuvishda yordam beradigan tashkilotlar Amerika dollar tizimidan chiqarib tashlanishi mumkinligidan ogohlantirdi.