Eronga yaqin hududda joylashtirilgan AQSh harbiy-dengiz kuchlari guruhidagi jangovar kemalar soni bir hafta ichida 17 tadan 21 taga yetdi.
Bu haqda AQSh Harbiy-dengiz institutining axborot xizmati ma’lumotlarida keltirilgan.
Ayni paytda Eronning janubi-sharqidagi Arabiston dengizida USS George Washington va USS George Bush avianoseslari boshchiligidagi AQShning ikkita avianoses zarba berish guruhi jangovar navbatchilikni o‘tamoqda. Har bir avianosesda 48 tadan qiruvchi samolyot joylashtirilgan.
Avianoseslar bilan birga Eron yaqinida bitta kreyser, 11 ta raketa bilan qurollangan esmines va dengiz piyodalari ekspedision batalyoniga ega uchta yirik desant kemasi ham joylashgan.
Ayni vaqtda Qizil dengiz hududida Yamandagi mojaro fonida AQShning ikkita raketa bilan qurollangan esmines kemasi faoliyat olib bormoqda. Yana ikkita AQSh harbiy-dengiz kuchlari esmines kemasi Hind okeanining shimoli-g‘arbiy qismida joylashgan.
Avvalroq The Wall Street Journal (WSJ) gazetasi AQSh Eronga qarshi zarbalarni qayta boshlashga tayyorgarlik ko‘rayotgani haqida xabar bergan edi.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
