AQSH, Grenlandiya va Daniya Prezident Donald Trampning Arktika hududiga da’volari tufayli yuzaga kelgan inqirozni hal qilish uchun diplomatik muzokaralarni boshladi.
Bu haqda Reuters agentligi 29 yanvar, payshanba kuni xabar berdi.
Daniya Tashqi ishlar vazirligi muloqotning maqsadi “Qirollikning qizil chiziqlariga hurmatni saqlagan holda, Arktika xavfsizligi haqidagi Amerika xavotirlarini qanday hal qilish mumkinligini muhokama qilish” ekanligini ta’kidladi.
Muzokaralar NATOning asoschi a’zolari bo‘lgan Daniya va AQSh o‘rtasidagi bir necha oylik keskinlikdan so‘ng boshlandi.
Bir kun oldin AQSh Davlat kotibi Marko Rubio AQSh Grenlandiya bo‘yicha maslahatlashuvlar o‘tkazayotganini va bu masala bo‘yicha Grenlandiya va Daniya rasmiylari bilan texnik darajadagi uchrashuvlar o‘tkazilishini e’lon qildi.
Eslatib o‘tamiz, 21 yanvar kuni Davosdagi Jahon iqtisodiy forumidagi nutqida AQSh Prezidenti Donald Tramp AQShning Grenlandiya ustidan nazorat o‘rnatish niyatini yana bir bor ta’kidladi va harbiy kuchga murojaat qilmaslikka va’da berdi.
Keyinchalik Tramp Grenlandiya bo‘yicha “doiraviy kelishuv” tuzilganini e’lon qildi. OAV xabarlariga ko‘ra, hujjatda orolda NATO va AQSh qo‘shinlarining kuchaytirilgan mavjudligi ko‘zda tutilgan. Foydali qazilmalarni qazib olish huquqlari ham Vashingtonga o‘tkazilishi mumkin, deb xabar berdi korrespondent.net.
Nikolay Valuyev: "Markaziy Osiyo davlatlariga hech qachon tahdid qilmaganman"
Uyushtirilgan suiqasdda hokim omon qoldi
Qirg‘iziston Rossiyaga qarshi da’vo qo‘zg‘atdi
