Uyushtirilgan suiqasdda hokim omon qoldi

Filippin janubidagi Magindanao provinsiyasida Sharif Aguak meri Ahmad Ampatuan uyushtirilgan suiqasdda omon qoldi.

Bu haqda Filippin davlat axborot agentligi xabar bermoqda.

Xabarlarga ko‘ra, noma’lum shaxslar ikki transport vositasidan iborat karvonga hujum qilib, minivendan transport vositalariga qarata o‘q uzgan. Amaldor zirhli transport vositasida bo‘lgani uchun jarohat olmagan. Biroq, ikki xavfsizlik xodimi o‘q otish natijasida yaralangan.

Gumonlanuvchilar qochishga uringan, ammo muvaffaqiyatsizlikka uchragan. Pistirmada ishtirok etgan uch gumonlanuvchi otishmada o‘ldirilgan.

"Mer xavfsiz", dedi uning yordamchisi Anvar Kuit Emblava jurnalistlarga.

Ampatuan so‘nggi besh yil ichida ikkita suiqasd urinishidan omon qolgan.