Qo‘shma Shtatlar Afg‘oniston ichki ishlar vaziri Sirajuddin Haqqoniyning qayerda ekanligi haqidagi ma’lumot uchun 10 million dollar mukofot pulini bekor qildi.
Bu haqda Ariana News yozmoqda.
"Ichki ishlar vaziri vazifasini bajaruvchi Haqqoniyga yaqin manbalar jurnalistlarga AQSh hukumati Islom Amirligidagi bir qancha amaldorlarga beriladigan mukofotlarni bekor qilganini aytdi", — deyiladi maqolada.
Qayd etilishicha, endi ro‘yxatda yo‘q bo‘lganlar orasida Sirajuddin Haqqoniy ham bor. Uning qarindoshlari Abdul Aziz Haqqoniy va Yahyo Haqqoniyning ismlari ham Amerika "qora ro‘yxati"dan o‘chirildi.
Haqqoniy tarmog‘i a’zolari AQSh tomonidan Afg‘onistondagi Amerika qo‘shinlari va NATO koalisiya kuchlariga transchegaraviy hujumlarni muvofiqlashtirgani va ishtirok etgani uchun qidiruvga berilgan edi.
Rossiya harbiylari Ukraina Qurolli kuchlarining qurol zavodi va aerodromiga zarba berdi
Makgregor yetti yilni panjara ortida o‘tkazishi mumkin
Eron TIV vaziri: "Eron urushga tayyor!"
