AQSh 10–11 noyabr kunlari Abu-Dabida Ukraina va Rossiya o‘rtasida uch tomonlama muzokaralar o‘tkazadi

Bu haqda AQSh prezidentining maxsus vakili Stiv Uitkoff X ijtimoiy tarmog‘ida ma’lum qildi

Uning so‘zlariga ko‘ra, muzokaralarda mojaroni hal etish, keskinlikni pasaytirish, urushdan keyingi xavfsizlik tizimi, gumanitar masalalar va tinchlikka erishish bo‘yicha keyingi qadamlar muhokama qilinadi.

Shuningdek, AQSh vakillari shu hafta Bryusselda Fransiya, Germaniya, Buyuk Britaniya, Yevropa Ittifoqi va NATO vakillari bilan uchrashadi. Tomonlar Ukraina uchun xavfsizlik kafolatlari, Yevropaning urushdan keyingi xavfsizlik tizimi va Ukrainani tiklash uchun iqtisodiy yordam masalalarini muhokama qiladi.